Partizani ka rifilluar sot përgatitjet pas pauzës tri ditore pushim, të akorduar nga stafi. Siç raportohet edhe në faqen zyrtare të klubit në internet, në orën 14:00 grupi i lojtarëve ka kryer në kompleksin sportiv “Internacional Tirana” të Pezës seancën e programuar.
Trajneri Starova nuk ka patur grupin e plotë pasi kapiteni Hoxha dhe mesfushori Ramadani janë të impenjuar me ekipet kombëtare.
Përgatitje të plotë me grupin kanë zhvilluar Batha, Krasniqi dhe Torassa, lojtarë të cilët kanë lënë pas dëmtimet dhe gëzojnë gjendje optimale. Të enjten ekipi do të zhvillojë dy seanca, paradite në palestër dhe pasdite në fushë.
Loading ...
