Partizani pa probleme, nesër testi i së “vërtetës”

Partizani ka kryer seancën e radhës të planifikuar nga stafi teknik. Lojtarët janë vënë nën urdhrat e trajnerit Adolfo Sormani, i cili ka aplikuar një mënyrë stërvitje të karakterit tekniko-taktik. Ditën e nesërme skuadra e kuqe do të zhvillojë një ndeshje miqësore me Kamzën në kompleksin e ekipeve kombëtare në Kamëz. Në këtë takim tekniku italian do të mund të vërë pikat mbi “i”, për sa i përket formacionit titullar për transfertën e Rusisë kundër Krasnodarit, takim i vlefshëm për fazën play-off të Europa League.