Nuk është bërë ende zyrtare nga Partizani, por burime nga klubi i kuq konfirmojnë lajmin për marrëveshjen e re të firmosur së fundmi. Kompania e veshjeve sportive “Macron” do të jetë sponsori teknik i Partizanit për sezonin e ardhshëm. Në ditët në vazhdim të kuqtë pritet të bëjnë prezantimin e këtij sponsori të ri, që do të veshë skuadrën në sezonin 2016-2017, por dhe në prezantimin europian që të kuqtë kanë rezevuar. Skuadra do të nisë sot pasdite përgatitjet dhe mbetet për tu parë se çfarë fanellash do të mbajnë veshur lojtarët.
