Partizani mori një fitore të artë 0-1 ndaj Teutës në transfertë. Të kuqtë i falen një goli të shënuar nga Çinari në pjesën e parë dhe dolën me 3 pikë nga Durrësi. Me këtë fitore, Partizani u ngjit sërish në vendin e parë dhe janë 180 minuta larg titullit kampion. I ftuar në emisionin "Procesi Sportiv", Redi Jupi, analist futbolli dhe ish lojtar I disa skuadrave në Shqipëri foli për meritat që do të kenë, lojtarët, trajneri dhe drejtuesit nëse Partizani fiton titullin kampion.
Meritat nëse Partizanit del kampion? "Meritat ndahen në mënyrë të barabartë, president, lojtarë dhe trajner. Sot bën një ndeshhje solide ndaj Teutës. Dukej që ishin të bashkuar e kjo nuk vjen vetëm me trajnerin e lojtarët, por të gjithë së bashku me stafin I kishin marrë masa që kjo ndeshje të mbyllej sa më mirë. Afrimi i Muratajt ishte një goditje cilësore edhe pse nuk bie shumë në sy. Afrimet e tjera kanë rritur konkurrencën brenda grupit. Ka qenë një kampionat me hope, por nëse fitohet titulli do jetë një kampionat i mirë".
Lexo gjithashtu
