Me nisjen e punimeve në "Qemal Stafa", Partizani është e para skuadër në kryeqytet që mbetet pa "shtëpi". Si për ndeshjet e Europës, ashtu edhe për ato të kampionatit, demat këtë vit janë në hall se ku do të zhvillojnë takimet, sepse kompleksi i tyre do kohë që të përfundojë, edhe pse punimet kanë ecur me ritme të shpejta.
[caption id="attachment_9733" align="alignleft" width="300"]
Elbasan Arena[/caption]
Mirëpo, në "Selman Stermasi" rruga është e zënë, jo vetëm për shkak të konflikteve, por edhe se Korabi ka arritur marrëveshje me bardheblutë për sezonin e ri. Ndërsa të kuqve iu mbetën dy pista në dorë, "Niko Dovana" në Durrës dhe "Elbasan Arena" në Elbasan.
Stadiumi që u përdor nga kombëtarja për eliminatoret e Europianit, tashmë do të jetë i Partizanit. Është arritur marrëveshja që për sezonin e ri të kuqtë takimet si pritës t'i zhvillojnë aty. Normalisht që do të vuajnë mungesën e tifozëve për shkak të largësisë, por kjo ishte zgjidhja më e mirë e momentit për demat.
Lexo gjithashtu
