Partizani, dosje kundër UEFA-s dhe FSHF-së

Ndryshimi i shpeshtë i situatës në lidhje me ekipet shqiptare, që do të marrin pjesë në Kupat e Europës, ka sjellë përshtjellim të madh te gjithë skuadrat që janë të përfshira në këtë histori. Dhe në këtë rast ka edhe kosto. Drejtuesit e Partizanit, që po përgatitej për të luajtur në Champions, ndihen të fyer nga vendimi i fundit, që lejon korçarët të hidhen në shortin e 20 qershorit. “Panorama Sport” shkruan se klubi i kuq ka kontaktuar avokatë me shumë përvojë dhe ka gati dosjen kundër UEFA-s dhe FSHF-së, sepse gjatë kësaj kohe Partizani ka bërë jo pak shpenzime, me qëllimin për të bërë një paraqitje dinjitoze në Champions, pas udhëzimeve të marra nga këto dy institucione. Përveç kësaj, të kuqtë nuk arrijnë të bëhen gatin për ndeshjet e Ligës së Europës më 30 qershor, sepse llogaritë i kanë bërë për datën 12 korrik, kur luhen ndeshjet e Championsit. Tani kjo çështje do të vazhdojë në rrugë ligjore.