Shorti i Europa League i ka vënë përballë kundërshtarëve të vështirë skuadrat shqiptare, Teutën dhe Partizanin. Por, kurrë mos thuaj kurrë! Të gjithë e kanë shansin e tyre për t’u kualifikuar në një raund më lartë. Partizani do të ndeshet me Slovan Bratislavën në Turin e Parë, ndërsa Teuta do të ketë kundërshtar Kairat Almatyn, ekip që para dy vitesh eleminoi Kukësin nga Europa League.
Por, në rast se dy ekipet shqiptare ia dalin të fitojnë dhe të kualifikohen, në Turin e Dytë shorti është i ndryshëm, duke e dalluar Partizanin nga Teuta. Të kuqtë do të kenë një nga ekipet fituese të çiftit Breidablik – Jelgava. Ndërsa Teuta do të ketë short të vështirë, pasi mund të luajë me fituesin e çiftit Macabi Tel Aviv – Gorica.
Breidablik është ekip islandez, ndërsa Jelgava letonez. Pra, niveli i kampionatit shqiptar është më i lartë si i tyre, ndaj fati mund të jetë në krahun e 15 herë kampionëve të vendit. Sa i përket Macabi Tel Aviv i Izraelit, është ekip i njohur në arenën ndërkombëtare, por edhe Gorica e Sllovenisë ka bërë historinë e saj në Champions apo Europa League.
