Kur duhen dhe më pak se dy orë nga ndeshja e Kombëtares kundër Skocisë në Gllasgou, kanë filluar të qarkullojnë dhe informacionet e para zyrtare të formacionit të skuadrës kuqezi.
Kështu me shumë gjasa Shqipëria do të zbresë në fushë me Strakoshën në portë, ndërkohë që mbrojtja këtë rradhë pritet të jetë me 5 lojtarë, me në qendër Xhimshitin, Veselin dhe Mavraj, ndërsa nga krahët Binaku dhe Hysaj, duke lënë sërish në stol Agollin.
Në mesfushë pritet të jenë sërish Basha, Xhaka dhe Memushaj, me Hykën që do asistojë Balaj në krye të sulmit. Një formacion 5-4-1 por që me shumë mundësi në fazën sulmuese do shndërrohet në 4-5-1, sidmos kjo nga krahu i Binakut që kundër Izraelit tregoi manovra të mira ofensive. Gjithsesi ky formacion dukshëm është shumë mbrojtës, me teknikun Panuçi që duket se kërkon të neutralizojë lojën në ajër të kundërshtarëve.
Ndeshja luhet në orën 20:45 në stadiumin “Hampden Park” të Gllasgout.
Loading ...
