Partizani është kthyer të luajë në kompeticionet Europiane pas një viti, ku vjet u ndesh me Stromgodset, por u eleminua që në raundin e parë eliminator. Vjet ka pasur një numër të lartë tifozësh në “Qemal Stafa”, ndërsa sot në “Elbasan Arena” shihet që numri i sportdashësve është i ulët.
Por, arsyet se pse ka pak tifozë në shkallët e këtij impianti janë të shumta. Kjo është ndeshja e parë për të kuqtë, çka nuk ngjall shumë interes për tifozët. Një arsye tjetër është se të kuqtë luajnë në Elbasan, jashtë Tiranës ku ndodhet dhe numri më i lartë i përkrahësve të kuq. Por, edhe temeperaturat dhe orari i ndeshjes përfshihen në këtë prezencë të paktë të tifozëve.
