Agnaldo Moraes ndodhet në Tiranë. Është vetë lojtari që ka bërë një postim në rrjetet sociale ku shfaqet te Kodrat e Liqenit Artificial. Fantazisti përflitet për një akord me Kukësin, megjithatë deri tani s’ka asgjë zyrtare. Trajneri Skënder Gega e njeh mirë pasi e stërviti në sezonin që lamë pas me Skënderbeun.
28-vjeçari brazilian u aktivizua në 21 ndeshje me korçarët, ndërsa një vit më parë kontribuoi për Kastriotin duke luajtur në 33 takime. Pritet të shihet nëse lojtari do të firmosë me Kukësin apo ka gjetur akordin me ndonjë ekip tjetër. Megjithatë fakti që ndodhet në kryeqytet, aty ku verilindorët kanë edhe zyrat e klubit, mund të ketë zhvillime të reja në orët në vazhdim.
Loading ...
