Ditën e sotme në mediat italiane është folur për një ofertë prej 60 milionë euro nga Monaco për Icardin. Sulmuesi argjentinas është lënë jashtë projektit të Contes dhe është nxjerrë në shitje nga drejtuesit. Argjentinasi nuk ka vendosur ende për të ardhmen e tij dhe është në pritje të Juventusit. Lidhur me këtë transferim për "TyC Sports" ka folur dhe agjentja e tij që është njëkohësisht dhe gruaja e tij, Wanda Nara. Ajo është shprehur qartë se Icardi nuk do të shkojë në Monaco.
"Icardi nuk do të shkojë në Monaco", është shprehur shkurtimisht Wanda Nara duke mbyllur kështu derën për një transferim të tij në kampionatin francez. Interesim të madh ka edhe nga Napoli dhe ngelet për t'u parë se cila do të jetë e ardhmja e tij.
Poll
Lexo gjithashtu
