Ditën e sotme, futbollisti i Bylisit, Visente foli për mediat e vendit të tij se nuk ishte paguar prej muajsh nga klubi ballshiot. Në prononcim e tij ai shkoi më tej duke thënë se klubi nuk e kishte lejuar që të shkonte në shtëpinë e tij edhe pse nëna e tij kishte ndërruar jetë.
Lidhur me këto deklarata ka reguar edhe Bylisin në faqen zyrtare duke treguar me prova pagesat që ka bërë ndaj lojtarit. Në faqen zyrtare, klubi sqaron se lojtari është paguar për muajin shkurt, ndërsa për muajin mars dhe prill do të paguhet nga FSHF-ja ashtu si çdo lojtar tjetër i Superligës. Bylisi nuk ka kursyer akuzat ndaj lojtarit të tyre duke theksuar se ai nuk ka dashur të stërvitet dhe ka nxjerr pretekst se është i dëmtuar.
Ja reagimi i FK BYLIS:
“Jemi njohur me deklaratën e dhënë nga ana e lojtarit brazilian Visente de Paula Mercedes dhe sqarojmë me prova dhe fakte se deklarata e tij është një mashtrim. Sa i përket pagave, lojtari ka ardhur në fundin e muajit janar, në muajin shkurt është paguar madje e provojmë edhe me mandate me rrogën e plotë, nga 1300 euro pagë bruto, i kanë kaluar në llogari 1018 euro pagë neto. Siç edhe dihet, në muajin mars, për shkak të pandemisë, FSHF me një vendim të Komitetit Ekzekutiv, kaloi pagën në llogarinë e lojtarit, ashtu si do të kalojë edhe prillin, për Visenten dhe çdo lojtar të Bylisit dhe skuadrave të tjera, sepse ka një vendim për të cilin jemi vënë në dijeni sapo u shpall situata e gjendjes së jashtëzakonshme. Ndërsa muajin maji s’e ka marrë askush sepse ende nuk është plotësuar afati. Lojtari Visente edhe ditën e hënë, kur u grumbullua skuadra për të nisur stërvitjen, u paraqit në seancën e paradites, por nxori si pretekst se është i dëmtuar, ndërsa në seancën e pasdites nuk u paraqit fare në ambientet e stërvitjes, ndryshe nga pjesa tjetër e skuadrës. I është bërë rezonanca në Spitalin Amerikan për të parë gjendjen e tij dhe nga përgjigja rezulton se nuk ka asnjë dëmtim, duke mashtruar sërish! Sa i përket kontratës së Mercedes, ajo është dy vjeçare, ndërsa kur është paraqitur në Ballsh ka nxjerrë pretendimin se nuk e kishte lexuar mirë! Lojtari ka njoftuar se ka pasur fatkeqësi familjare, i jemi gjendur pranë, por nuk është ndalur që të shkojë pranë familjes, sepse nuk e pengojmë, jo vetëm atë po asnjë, madje, ai nuk ka bërë asnjë kërkesë në klub. Ne i kemi qendruar afër, e madje sapo na ka dhënë lajmin e kemi lënë pushim. Visente dhe çdo futbollist, para se të dalë në media, për çdo problem e ka derën e hapur në klub dhe duhet që t’iu drejtohet instancave përkatëse, jo të dalë në media pa leje, duke shkelur etikën e klubit…”, - është reagimi i klubit ballshiot në faqen zyrtare.
Lexo gjithashtu
