Vllaznia fitoi dje 3-2 ndaj Tiranës. Shkodranët iu falën një goli të Ismael Dunga në sekondat e fundit, për të marrë fitoren e tretë në po kaq ndeshje në Kategorinë Superiore.
Pas ndeshjes ka folur edhe njeriu i tri pikëve, Dunga. 26 vjeçari shprehet se nuk ishte një gol hakmarrjeje për largimin nga Tirana në merkato, teksa ia dedikoj golin bashkëshortes dhe familjes.
“Nuk është gol për hakmarrje, por për fitoren, ky është qëllimi ynë. Jam i kënaqur të luaj te Vllaznia sepse çdo gjë është në rregull dhe po shkon mirë.
Më shumë minuta? Është në dorë të trajnerit, unë do shfrytëzoj të gjithë minutat që do luaj. Golin ia dedikoj familjes dhe bashkëshortes sepse ata më mbështesin në çdo hap që bëj në karrierë dhe kudo”, u shpreh Dunga.
Loading ...
