Nuk bindën Sormanin, largohen dy të huaj

Organika e Partizanit gjatë ditëve të fundit u shtua me dy lojtarë të rinj, të cilët krijuan ngarkesë në organikë. Por, në të njëjtën kohë që trajneri italian duhet që të organizonte skuadrën për ndeshjen kundër Krasnodar, i është dashur që të testojë edhe dy të rinjtë e ardhur për mesfushën, Samson Mbingui dhe Ben Ben Yair.

Gabonezi Mbingui dhe izraeliti Ben Yair nuk kanë arritur që të bindin trajnerin me paraqitjen e tyre. Ata kanë qenë larg formës së dëshiruar nga stafi teknik dhe kështu u është kërkuar që të largohen edhe pse mësohet se u afruan me rekomandim nga trajneri Adolfo Sormani.