Mbrëmja e djeshme mes Teutës dhe Kamës ka qenë plot me surpriza. Pas humbjes në “Niko Dovana”, drejtuesit kamzali kanë shkarkuar nga stoli trajnerin Bledar Devolli, pas vetëm 3 ndeshjeve të luajtura. Mirëpo nuk mbaron me kaq, sepse Superliga ka filluar shumë e ashpër edhe për dy trajner të tjerë.
Milos Kostiç në tre takime me Luftëtarin nuk ka arritur të marrë asnjë pikë, për më tepër duke i luajtur dy ndeshje në shtëpi, ndaj Kastriotit dhe Flamurtarit. Ende nuk ka një reagim nga gjirokastritët lidhur me çështjen e teknikut, por që koha nuk premton shumë dhe takimi i radhës ndaj Tiranës do të zbulojë diçka më tepër.
Përsa i përket kryeqytetasve, as këta të fundit nuk po kalojnë një meriudhë të mirë, pasi pas 3 sfidave të luajtura kanë vetëm 1 pikë, barazimin me Teutën në shtëpi. Ze Maria rrezikon stolin dhe këtë gjë e di shumë mirë, pasi pas humbjes me Kukësin është shprehur nëse në 3 takimet e radhës vazhdon e njëjta situatë, atëherë ai e pret një shkarkim.
Loading ...
