Vllaznia arriti të merrte fitoren e radhës në kampionat. Shkodranët mposhtë me rezultatin minimal 0-1 Kukësin duke i shkaktuar humbjen e 4-të radhazi. Një nga lojtarët më të mirë në fushë ishte mesfushori Ardit Krymi që për "Gol pas Goli" u shpreh se me këtë humbje Kukësi është jashtë gare për titull.
"Nëse kemi këtë ecuri të mirë duhet të jemi me këmbë në tokë. Është ende herët për titull pasi ka shumë ndeshje deri në fund të kampionatit. Ky është viti i 7-të te Vllaznia dhe më i miri në aspektin personal. Besimi ka të bëjë shumë dhe për këtë arsye po kaloj një formë kaq të mirë.
Kukësi nuk na rrezikoi sot, mendoj se Kukësi është jashtë gare për titull pasi 15 pikë diferencë nuk janë pak. Është ndryshe kur luan për objektiva të tjera pasi kur luan për mbijetesë ke më shumë presion dhe merr më shumë kartona".
Më mirë pa tifozë? "Nuk është avantazh dhe ne e kemi vuajtur shumë mungesën e tifozëve dhe kemi shumë nevojë për ta në stadium. Është e vërtetë që ne luajmë për një fanellë që e kemi vuajtur shumë dhe jemi edhe lojtar edhe tifozë".
Lexo gjithashtu
