Manuele Blazi pritet të jetë trajneri i ri i Apolonisë. Pas largimit të Fabricio Kamaratës, klubi fierak ka zgjedhur t’i besojë një tjetër italiani. Siç bën me dije shtypi i shkruar, akordi mes palëve është arritur dhe firma është thjesht një formalitet.
40-vjeçari, ish mesfushor i Juventusit, ka drejtuar në Ligën e Dytë qipriote, ku ka qenë në krye të skuadrës së Aja Napa. Italiani pritet të mbërrijë në Fier gjatë këtyre ditëve për të formalizuar marrëveshjen e më tej për të nisur menjëherë nga puna.