Kombëtarja shqiptare po luan ndaj Ishujve Faroe sfidën e fundit të kualifikueseve të Euro 2024. Kuqeiznjtë tashmë e kanë të siguruar biletën për në Gjermani, teksa kërkojnë minimalisht 1 pikë për të përfunduar të parët në grupin E.
Një nga temat e nxehta dhe që ka shkaktuar zhurmë në këto dy ndeshje ishte lënia jashtë e Armando Brojës. Sulmuesi i Chelsea reagoi vetë nëpërmjet një postimi në rrjetet sociale duke hedhur poshtë çdo aludim, ndërsa shpjegoi edhe marrëdhien me Sylvinhon dhe kombëtaren, ndërsa do të shprehej se mezi pret të zbresë në fushë sërish me skuadrën.
Për t’u dhënë fund njëherë e mirë zërave është nëna e Brojës, e cila është në stadium për të parë sfidën me Ishujt Faroe. E ëma e sulmuesit mban një shall me figuren e Brojës dhe shqiponjën, duke bërë që sulmuesi pavarësisht se nuk është fizikisht në Tiranë është në mbështetje të kuqezinjve.
