Mund të konsiderohet i panjohur për elitën, por për futbollin e moshave po spikat me talentin e tij. Bëhet fjalë për Albi Subashin, lojtarin e rritur te Akademia e Futbollit, me një eksperiencë 1-vjeçare te moshat e Partizanit, ndërsa tashmë është pjesë e Dinamos. Prej një muaji ka kaluar nga U-17 te U-19. Aktivizohet si mbrojtës i majtë dhe konsiderohet si ardhmja e futbollit shqiptar qe luan në këtë rol.
Për të s'ka qenë e veshtirë pasi është rritur me dashurinë dhe pasionin për futbollin. Familja ka sakrifikuar gjithçka qe ai të mbërrijë në keto nivele ku është sot. Trajnerët flasin me superlativa për të ardhmen e tij. Shumë shpejt pritet të bëjë tjetër hap të madh. Superiorja i ka pasur gjithmonë me pikatore mëngjërashët. Një talent i ri ka lulëzuar. Të ardhmen e ka premtuese, karrierën e ka vetë në dorë. /Newsport.al/
Lexo gjithashtu
