Ansi Nika ka folur pas ndeshjes me Flamurtarin. Lojtari i Laçit deklaroi për mikrofonin e Supersport:
“Pavarësisht se fituam ndeshjen, dua të falënderoj të gjithë çunat për atë që treguan sot. Te Tirana nuk pata shumë hapësira për të treguar vlerat e mia. Megjithatë kështu e ka futbolli. Prandaj kërkova largimin nga Tirana dhe zgjodha Laçin. Jam i kënaqur me veten time dhe më shumë për golin e shënuar, që i shërbeva skuadrës. Flamurtari është më i favorizuar përsa i përket kalendarit, megjithatë ne jemi në rrugën e duhur sepse nuk do të kemi asnjë problem me asnjë kundërshtar. Jemi në të njëjtin nivel me të tjerët.
Unë kam 3 javë që luaj i dëmtuar. Kur mbaroj pjesa e parë i thash trajnerit ta provoj edhe çerek ore. Më pas i kërkova ndërrimin trajnerit”, përfundoi ai.
Loading ...
