Skënderbeu do të luajë kundër Kukësit, ndeshje e vlefshme për javën e tetë të Superiores. Për këtë takim, Federata Shqiptare e Futbollit ka caktuar si arbitër kryesor Kridens Metën. Gjyqtari i Kolegjiumit të Tiranës ka eksperiencën e nevojshme për të gjykuar një sfidë të tillë, ku të dy skuadrat do të tentojnë rezultatin pozitiv.
Kujtojmë që Skënderbeu ndodhet në vendin e katërt me 12 pikë, ndërsa Kukësi në të shtatin me 10 pikë. Kjo sfidë është programuar të luhet sot në orën 17:00, në stadiumin Skënderbeu të Korçës. /Newsport.al/
