Një javë më parë Hamdi Salihi nuk pranoi të kalonte në rradhët e lojtarëve rezervë dhe burime për newsport.al tregojnë si është zhvilluar konflikti mes tij dhe trajnerit Ilir Daja. Sulmuesi shkodran mësohet të ketë ketë hedhur jelekun në shenjë proteste dhe të ketë lënë stërvitjen. Në fushë ai luajti si titullar përballë Tiranës dhe shënoi dy herë duke lënë pas krahëve konfliktin dhe fjalët e hapura për të.
Dje Afrim Taku është përplasur me trajnerin Mirel Josa duke kontestuar zëvendësimin e bërë nga trajneri në minutat e fundit të ndeshjes me Skënderbeun. I pakënaqur mesfushori ka kërkuar llogari dhe më pas i është kërkuar të largohet nga stërvitja duke marrë me vete një pezullim pa afat.
Salihi ka shënuar 10 gola në kampionat ndërsa Taku 8 të tillë. Të dy e cilësojnë veten të pazëvendësueshëm dhe të dy kanë kontestuar trajnerët. Për Salihin çështja duket e zgjidhur për momentin ndërsa për Takun sapo ka nisur… Bomberat kanë vënë në pikëpyetje fundin e sezonit.
Loading ...
