Ditën e sotme u luajt derbi, Partizani-Tirana e vlefshme për javën e 15-të Kategorisë Superiore. Të kuqtë fituan falë golit të shkodranit Çinari që u fut në pjesën e dytë dhe në minutën e 83-të e dërgoi topin në rrjetë.
Një humbje e tillë nuk kanë lënë një shije të mirë te tifozët që kanë kërkuar edhe largimin e trajnerit Dede. Tifozi i njohur i Tiranës, Alban Berisha përmes një postimi në Facebook është shprehur se sot Tirana mundi veten e për kjo humbje duhet dënuar prandaj i ka bërë thirrje presidentit Halili.
“Tirana sonte rrafi veten! Nevilin e kam mik, por sonte ai bëri vetëvrasje! vetëvrasja dënohet! Presidenti jonë duhet të marri masa, nëse jo edhe ai është fajtor. Duhet të fitonim sonte, keqardhje për dëshpërimin e çdo tifozi të Tiranës!”, shkruan Berisha në postimin e tij.