Kishim dëgjuar që të kishte mungesë portierësh në kalçeto. Por, kjo ndodh edhe në një klub profesionist të Kategorisë së Parë si Flamurtari. Vlonjatët priteshin të udhëtonin drejt kryeqytetit ditën e nesërme për të zhvilluar një test miqësor në kuadër të përgatitjeve për fillimin e kampionateve por kjo është anuluar pasi kuqezinjve ju mungonte portieri dhe disa lojtarë nuk janë gati.
Siç duket, pauza e Botërorit ka ndikuar disa ekipe me lojtarët që shijojnë pushimet në mes të sezonit. Flamurtari deri tani ka zhvilluar vetëm një ndeshje miqësore, atë me Bylisin, të humbur 0-1. Miqësore të tjera priten në ditët në vazhdim për t’u përgatitur për mbrojtjen e vendit të parë në Kategorinë e Parë.
Poll
Lexo gjithashtu
