Ditën e shtunë, në “Niko Dovana” të Durrësit, do të luhet sfida deçizive mes Devollit dhe Turbinës. Skuadra e Devollit synon ngjitjen në Katergorinë e Parë, por përballë kanë cërrikasit e Turbinës, që besojnë te mbijetesa dhe te qëndrimi edhe sezonin e ardhshëm në Kategorinë e Parë.
Sezoni është në fazën “Play Out” dhe në një moment deçiziv për të dyja skuadrat. Devolli e ka vlerësuar në maksimum këtë sfidë dhe skuadra nga Bilishti është nisur që ditën e sotme drejt Durrësit, ku do të qëndrojnë për dy ditë dhe do të zbresin në fushë të shtunën, në orën 15:00.
Stërvitjet e skuadrës së Devollit do të zhvillohen pikërisht në Durrës dhe në ditën e ndeshjes, më shumë se 100 tifozë të organizuar do të nisen nga Bilishti drejt Durrësit, për të mbështetur skuadrën e tyre, që synon rezultatin pozitiv dhe ngjitjen në Kategorinë e Parë.
Të shtunën, 14 maj
Stadiumi “Niko Dovana”, Durrës
Devolli – Turbina (15:00)
Loading ...
