Një lajm i çuditshëm vjen nga Ballshi teksa bëhet me dije që sulmuesi Saliu Guindo është “zhdukur” nga skuadra. Edhe pse pritej që sot të ishte në fushë, afrikani nuk dihet se ku ndodhet. Presidenti Besnik Kapllanaj ka deklaruar se ai ka fikur telefonin dhe askush s’ka dijeni për vendndodhjen e tij.
Ai ka pretenduar se është nën kontratë me mallakastriotët deri në 31 maj, ndaj ka zgjedhur t’i japë fund aventurës. Një zgjedhje e çuditshme kjo që ka prishur jo pak planet e trajnerit Dovedan. Kujtojmë që afrikani ishte ndër më të mirët e Superiores duke arritur të realizojë 10 gola në 26 të luajtura.