Katar 2022
Mbrojtësi i Teutës Erlis Frashëri u shpreh para ndeshjes me Kamzën, se objektivi i durrsakëve është kualifkimi në Europa League, por pa mohuar dëshirën për të shkuar sa më larg.
Në një prononcim për “Supersport”, 30-vjeçari theksoi se ekipi duhet ta fitonte takimin e parë të këtij viti në kampionat me Flamurtarin. Por ai ndihet i lumtur pas paraqitjes së bërë ndaj Tiranës ku asistoi golin e “Djemve të Detit” në barazimin 1-1 në “Selman Stërmasi”.
“Me Kamzën për të marrë fitoren e parë në kampionat për 2019? Është një ndeshje që duhet vlerësuar maksimalisht. Unë kam kaluar shumë mirë te Kamza, por tani jam te Teuta dhe shpresoj të rikthehemi te fitorja, pasi kemi marrë vetëm barazime në dy takimet e para.
Hapat fals me Flamurtarin dhe Tiranën? Jemi shumë të zhgënjyer, pasi kemi bërë edhe lojë të mirë, Na ka mbetur peng që nuk fituam dot ndaj Flamurtarit, pasi bëmë një lojë vërtetë të mirë, por edhe me Tiranën luajtëm mirë në pjesën e dytë.
Përshtatja me ekipin e ri? Që kur kam ardhur në fillim te Teuta, jam ndjerë shumë mirë,. Në ndeshjen e parë nuk isha në maksimumin tim, por nga ndeshja me Tiranën jam ambientuar më mirë dhe do të tregoj maksimumin tim.
Synimet e Teutës për sezonin? Duke parë se ku jemi në këto momente, objektivi ynë mbetet një vend në zonën Europiane, por normalisht që ëndrrat lejohen dhe ne jemi gati të japim maksimumin, duke shpresuar që të gabojnë edhe kundërshtarët dhe të synojmë më shumë”, tha mbrojtësi Erlis Frashëri.
Ai u transferua gjatë merkatos së janarit nga Kamza drejt Teutës duke marrë te durrsakët vendin e maqedonasit Bojan Gjorgievski, i cili shkëmbehet me Frashërin duke marrë vendin e tij te Kamza
