Është mbyllur Kukësi 2-1 Slavia e Sofies në “Air Albania”. Ndeshja e vlefshme për turin e parë të Europa League ka folur për verilndorët dhe nënkampionët e Shqipërisë që kanë gjetur forcat të shënojnë në fundin e ndeshjes golin e fitores, megjithëse vetëm tre minuta më herët u barazuan nga bullgarët.
Ka qenë Eze që në të 57 minutë ka kaluar Kukësin në avantazh, ndërsa ka barazuar në të 81 minutë Krastev. Kur gjithçka po shkonte në shtesë, ka menduar Cooper që ka shënuar golin e fitores dhe atë të kualifikimit. Pas Teutës dhe Laçit, Kukësi bëhet skuadra e tretë që kalon turin e parë të Europa League.
Për RTSH trajneri i Kukësit, Skënder Gega tha:
“Më kënaq fitorja. Kemi probleme por më kënaq fitorja, ishte e rëndësishme për grupin dhe tifozët që ta kalonim këtë ndeshje. Futbolli është ky, ndjej keqarje për Tiranën sepse dominoi ndaj Crvenas dhe ndodhi një mungesë vëmendje. Koha është e shkurtër dhe mund ta pësonim apo të shënonim edhe tjetër gol sot.
Jam pjesërisht I kënaqur nga prurjet e reja, disa kanë kohë që nuk kanë luajtur prej Coronës, kam shpresë se do ingranohen në lojë. Zenel Gavazaj dhe Cooper që u futën në pjesën e dytë bënë mirë dhe jam I kënaqur.
Presidenti Gjici? Ka ambiciet e një biznesmeni që ka investuar. Do bëjmë më të mirën edhe ndaj kundërshtarit të radhës. Shpresoj të kemi kënaqur gjithë dashamirësit tanë. Kemi nevojë për përforcime, do ulemi me presidentin dhe stafin për të folur për pozicionet. Kemi nevojë për përmirësim sepse kemi objektiva të qarta, nis edhe sezoni.
Laçi u kualifikua? I uroj me zemër edhe Teutës edhe Laçit, është kënaqësi për qytetet dhe futbollin shqiptar. Përfaqësojmë futbollin shqiptar”, tha Gega.
Loading ...
