Vllaznia është skuadra më në formë e Kategorisë Superiore. Shkodranët në 3 ndeshjet e para kanë marrë 3 fitore dhe kryesojnë kampionatin me piktë të plota. Pak ditë më parë Vllaznia fitoi 3-2 ndaj Tiranës në minutat e fundit dhe kjo rritur edhe më shumë entuziazmin në kampin shkodran. E ftuar në emisionin “Pressing”, Kryetarja e Bashkisë Shkodër, Voltana Ademi foli për fitoret e Vllaznisë, por edhe për privatizimin e klubit.
“Ka qenë një nga ndeshjet më të bukura që kam parë. Jam lumturuar më shumë nga tifozët. Dëshira do ishte të kishte tifozë në stadium, do të ishte plot. Jam i lumtur atë që ka ndodhur në shtëpitë e shkodranëve dhe në ndonjë bar. Këtë sezon ekipi ka bërë ndeshje të mira, kjo me Tiranën ishte shumë e bukur.
Kjo situata e pandemisë nuk e ka kufizuar futbollin, përkundrazi e ka penalizuar. Futbolli ka kuptim me tifozë. Jemi munduar ta mbështesim Vllazninë. Ka pasur tifozë jashtë stadiumit që mbështesnin ekipin. Pandemia ndikon te të gjitha klubet, edhe financiarisht. Uroj të hapen sa më shpejt dhe futbolli të marrë frymë”.
“Në momentin që flasim jemi në prag të një vendimmarrjeje të rëndësishme. Të premten kemi gati projektvendimin për nxjerrjen enë shitje. Kështu i hapet rruga konkurrimit. Nëse ndodh, në dhjetor hapim konkurrimin direkt për privatizimin. Nëse bashkohen fuqitë, impakti është më i madh, angazhohen më shumë njerëz dhe arrihen rezultate.
Jemi në një moment kyç. Ose të privatizohet shpejt klubi, ose të japim para për financimin e klubit. Duhen bërë të dyja në fakt, pasi procedura zgjat. Në janar kemi parashikuar 600 milion te vjetra për Vllazninë. Normalisht do shoqërohet procesi i shitjes. Duhet ta shoqërojmë me mbështetje. Edhe pas shitjes duhet ta mbështesim, pasi është e domosdoshme me infrastrukturën që kemi. Do i lëmë në dispozicion ato, fushat dhe stadiumit.
Herët të themi kush e fiton kampionatin. E dimë shumë mirë që shumë ndeshje. Jemi herët. E kam parë Vllazninë në vend të katërt në fazën e tretë dhe pastaj ka shkuar nga fundi. Duhet marrë çdo gjë hap pas hapi. Besoj te puna e stafit dhe ajo që bëjnë lojtarët. Ta shohim pas hapi. Ndryshe nga vitet e tjera shoh një ekip të vërtetë, ndihmojnë njëri-tjetrin në fushë dhe jashtë. Normalisht është edhe emri, por duhet puna dhe serioziteti”.
Loading ...
