Napoli siguroi një fitore komode drejt kualifikimit në fazën çerekfinale të Europa League duke thyer në shtëpi Salzburgun me rezultatin 3-0 falë golave të Milik, Ruiz dhe autogolit të Onguenes.
"Legjionari" Elseid Hysaj u aktivizua për 90 minuta të plota. Media italiane e njohur për futbollin "Calcio Mercato" e vlerësoi me notën 7 paraqitjen e sotme në skenën europiane të titullarit të kombëtares sonë.
"Pati një pjesë të parë të qetë, por e rriti nivelin e lojës në pjesën e dytë. Përgjithësisht nuk pati punë në detyrat mbrojtëse".
24-vjeçari duket se ka fituar besimin e teknikut të tij Carlo Ancelotti pasi ka ndihmuar jo pak në ecurinë pozitive në pjesën e dytë të sezonit me "të kaltërit". Ai kaloi një periudhë turbulluese në gatu 7 muajt e fundit teksa u sulmua ashpër për paraqitjet e dobëta në fushë me Napolin dhe zërat se donte të largohej nga Italia drejt Chelseat, ku do të gjente mentorin e tij Maurizio Sarri.
Lexo gjithashtu
