Skuadra kombëtare e Shqipërisë ka kryer seancën e radhës stërvitore. Nën urdhrat e trajnerit Edi Reja kanë zbritur në fushë të gjithë lojtarët, veç Marash Kumbullës që nuk është në formë optimale. Situata është pozitive në kampin kuqezi, ku në vend të Hysajt është thirrur nga Shpresat Sergio Malaj.
19-vjeçari është grumbulluar vetëm për seancën e sotme stërvitore, pasi nesër pritet të mbërrijë Hysen Memolla. Kujtojmë Shqipëria do të luajë dy ndeshjet e radhës për eleminatoret e Euro 2020, kundër Turqisë dhe Moldavisë.