Tirana-Vllaznia është një nga supersfidat e javës së 16-të të Superligës. Ndeshja është planifikuar të luhet ditën e nesërme në “Air Albania” dhe do të nisë në orën 19:45. Tifozët e Tiranës “Tirona Fanatics”, përmes një postimi në rrjetet sociale u kanë bërë thirrje tifozëve të tjerë që të jenë sa më të shumtë në numër për të mbështetur skuadrën nga shkallët e stadiumit.
Në postimin e tyre, tifozët bardheblu nuk kanë harruar që të “thumbojnë” edhe tifozerinë rivale të Vllaznisë duke thënë se nesër do të jetë leksioni i radhës për studentët e radhës. “Tirona Fantatics” njihen për spektaklin që japin në shkallët e stadiumit dhe përveç duelit në fushë, nesër pritet të ketë një duel edhe në shkallët e stadiumit mes dy tifozerive.
Postimi i “Tirona Fanatics”:
Nesër, 19:45…”Air Albania”.
Leksionet e reja, studentët e rradhës.
MOS MUNGO!
Për Tironën, Me Fanatics!
Loading ...
