Hapësire reklamuese

Çështjet kryesore

FACENEWS

Mori dhuratën e NEWSPORT, flet parashikuesi 14-vjeçar i Botërorit dhe drejtoresha Anila Basha

Shkruar nga NEWSPORT
Mori dhuratën e NEWSPORT, flet parashikuesi 14-vjeçar i

Me fillimin e Botërorit "Rusi 2018", redaksia newsport.al në bashkëpunim me kompaninë "Neptun" organizuan një lojë që konsistonte në parashikimin dhe rezultatin e saktë të finales së Luzhnikit. Ai që do të arrinte i pari të "godiste" në shenjë do të ishte fitues një telefoni "Samsung A8", vlera e të cilit është 50 mijë lekë (të reja).

Pas disa javësh, saktësisht në 20 qershor, newsport.al regjistroi të gjitha parashikimet e bëra në postim, por edhe në inboxin e faqes. Askush s'e kishte menduar që Kroacia do të ishte finaliste e këtij Botërori, megjithatë për disa ndjekës të portalit tonë s'ishte kështu.

Tre prej tyre arritën të gjenin se skuadrat e Francës dhe Kroacisë do të ishin në finale. Por, vetëm njëri parashikoi saktë edhe rezultatin 4-2. E pabesueshme por e vërtetë. Me një parashikim të thjeshtë, Kleidi Hoxha u bë fitues i dhuratës së Newsport, pra e telefonit "Samsung A8".

Sot, ai u paraqit pranë redaksisë sonë për të marrë dhuratën. Fituesi ishte vetëm 14 vjeç dhe emocionet për të kaluan në plan të dytë sapo pa telefonin. U shpreh mjaft i lumtur dhe publikisht falënderoi stafin e redaksisë "Newsport.al" me në krye drejtoren Anila Basha.

"Ju falënderoj të gjithëve për këtë dhuratë kaq të bukur. Nuk e kisha menduar se unë do të isha fitues i telefonit. Atë ditë kur bëra parashikimin e Kroacisë, mendova vetëm për Modriç dhe Perisiç, ndërsa për Francën nuk ishte e nevojshme pasi ishte favorite edhe në letër.

Vendosa të parashikoj te Newsport pasi jam lexues i rregullt prej vitesh dhe dua t'i falënderoj për informacionin e saktë dhe të shumtë që përcjellin në kohë reale", tha Kleidi Hoxha.

E sigurisht në këtë risi të redaksisë sonë, nuk mund të mungonte edhe fjala e drejtores, Anila Basha, e cila falënderoi djaloshin për besimin e treguar.

"Jemi të lumtur që patëm një fitues në shorteun e newsport.al, me lexuesit tanë të shumtë gjatë këtyre viteve. Padyshim, ishte surprizë për mua dhe stafin mosha 14 vjeçare e Kleidit nga Tirana, i cili ka parashikuar rezultatin e saktë që në 1 qershor duke dhënë skuadrat Francë-Kroaci në finale dhe rezultatin 4 me 2 në favor të Francës.

Më vjen mirë që ai fitoi këtë celular për të pasur më shumë mundësi të ndjekë faqen e tij të preferuar sportive www.newsport.al dhe në rrjetet sociale po ashtu (facebook, instagram, twitter), por edhe për ta pasur atë si një dritare informacioni për më tej.

Ashtu sikurse besoj, nisur dhe nga mosha e tij, që do të jetë më e mirë akoma ta përdore këtë dhuratë të cmuar të newsport.al për më shumë dije. Suksese Kleidit dhe shpresoj të vazhdojë të jetë një fans i faqes sonë", ishte fjala e drejtores Anila Basha pasi Hoxhës iu dorëzua celulari.

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga