Ylli portugez Cristiano Ronaldo ka marrë një lajm të keq. Mamaja e tij ka zbuluar se është “duke luftuar për jetën e saj” pasi vuan nga kanceri. Dolores Aveiro mundi kancerin e gjirit pasi u diagnostikua me sëmundjen në vitin 2007.
Së fundmi ajo ishte në një udhëtim në Itali për të festuar ditëlindjen e 34 të djalit të saj dhe e mbështeti atë në luftën kundër akuzave për përdhunim. Ndërsa tani ajo ka folur për probleme të reja shëndetësore.
Dolores i tha një stacioni televiziv portugez në një intervistë: “Unë kam qenë operuar në një tjetër gji në Madrid, kam pasur radioterapi dhe tani po luftoj për jetën time”.
