Ish-futbollisti dhe zv. trajneri i Tiranës, Erbim Fagu, ka shprehur të gjithë krenarinë e lumturinë e tij pasi bardheblutë u shpallën kampionë të Shqipërisë, që ishte titulli i 26-të në historinë e kryeqytetasve.
Ish-futbollisti kampion i Tiranës ishte pjesë e festës së madhe bardheblu që u bë pas fitimit të titullit kampion dhe në faqene tij zyrtare, shkroi: “Jam rritur me ëndrra që kanë ngjyra bardheblu dhe me objektiva të qarta për skuadrën time.
Kam qenë pjesë si lojtar dhe si trajner, ndërsa sot jam shumë i lumtur që jam pjesë e këtij suksesi, e kësaj familje shumë të madhe dhe jam shumë mirënjohës për çdo emocion dhe eksperiencë që kam marrë gjatë kësaj rruge. Vazhdoni e shënoni si një skuadër e madhe”, shkroi Fagu.