Partizani prej dy ditësh ndodhet në Pogradec, aty ku po zhvillon fazën e dytë përgatitore në pritje të sezonit të ri në Superligë.
“Demat” kanë shpalosur edhe tre miqësoret që do zhvillojnë këtë periudhë, teksa bie në sy se luajnë kundër Bylis dhe Teuta, dy ekipeve të elitës.
Miqësorja tjetër është ajo me Dinamon, me Blutë që u rrëzuan në Kategorinë e Parë. Gjithçka nis në 30 korrik në sfidën me Dinamon, për të vijuar me Bylis në 7 gusht e mandej me Teutën në 13 gusht, një javë para nisjes së sezonit.
