Merveil Ndockyt ka marrë pushimet e dimrit ashtu si lojtarët e tjerë të Tiranës. Ylli i bardhebluve ka postuar një foto në llogarinë e tij në facebook, ku shfaqet me një mik të tijin. Siç duket 18 vjeçari është pritur me dashuri nga miqtë e tij, teksa njëri prej tyre shkruan në foton e postuar te Merveil: “Je i mirëpritur për muajin e fundit të këtij viti 2016. Zoti i plotfuqishëm na jep të gjitha dëshirat e zemrës tonë sot dhe gjithmonë”, përfundon miku i Merveil.
Kujtojmë që Ndockyt Merveille u afrua te Tirana në këtë merkato verore, ndërsa tashmë është kthyer në idhullin e tifozërisë bardheblu pas paraqitjes së mrekullueshme me 24 herë kampionët e vendit.
