Skënderbeu bën goditjen e parë këtë merkato. Skuadra korçare mësohet të ketë afruar mbrojtësin e talentuar të Flamurtarit, Hektor Idrizi. 27-vjeçari luajti për dy sezone për ngjyrat e Flamurtarit të Vlorës. Konfliktet e vazhdueshme në skuadër, pikërisht me Kushtrim Lushtakun, duket të kenë bindur mbrojtësin e djathtë të kalojë te kampionët. Idrizi në këtë mënyrë do të mund të luajë në Champions League këtë vit. Në foto shfaqet me numrin 30 duke kryer seancën e parë stërvitore me bardhekuqtë.
