Është mbrojtësi më i mirë i momentit. Virgil van Dijk, 26 vjeç, i cili aktivizohet te Southampton, është kthyer në objektivin primar të Çelsit në këtë merkato dimri.
Mançester Siti dhe Evertoni janë tërhequr nga gara për të, duke qenë se ofruan nga 54 milionë euro, por në fund nuk u pranua nga klubi i Southampton.
Sipas prestigjiozes angleze “Daily Express”, Çelsi ka rritur ofertën për mbrojtësin Van Dijk.
Londinezët ofrojnë plot 70 milionë euro. Një shifër që, nëse do të pranohet nga klubi bardhekuq, do ta bënte 26-vjeçarin, mbrojtësin më të shtrenjtë në historinë e futbollit.
