Berat Gjimshiti, mbrojtësi i Kombëtares shqiptare flitet se është afër kalimit tek skuadra turke e Beshiktashit. Lojtari momentalisht luan tek Atalanta dhe nuk është një ndër titullarët e ekipit, madje ai është një prej lojtarëve që tifozët e duan larg ekipit.
Sipas mediave italiane, Gjimshiti është një zgjidhje shumë e mirë për skuadrën turke, pasi luan dhe në qendër të mbrojtjes edhe në të majtë. Gjithashtu shtypi i vendit pohon se kanë nisur negociatat për transferimin e lojtarit, pasi të gjitha palët e përfshira në këtë çështje duket se kanë dhënë pëlqimin e tyre për realizimin e marrëveshjes.
Atalanta kërkon 400 mijë euro për shqiptarin, ndersa Beshiktashi jep më pak, pasi në fund të sezonit mund ta marrë me parametra zero, pasi ai mbetet i lirë.
Loading ...
