Eni Imami është një nga lojtarët që ka bërë mirë vitet e fundit në Superiore. Spikati me Kukësin, luajti si titullar me Tiranën, ndërsa tashmë është pjesë e organikës së Ilir Dajës me Skënderbeun. Në këtë situatë të vështirë që po kalon i gjithë vendi për shkak të Coronavirusit, shtatlarti ndodhet pranë familjes në kryeqytet.
Për të mos humbur formën fizike, ai ka zgjedhur të vrapojë në Kodrat e Liqenit Artificial, ndërsa në sy bie fanela e Tiranës që mban veshur. Siç duket, mbrojtësi i linjës vijon t’i ruajë veshmbathjet që kishte në klubin bardheblu dhe nuk nguron t’i përdorë edhe pse sot kontribuon për ngjyrat bardhekuqe. Pikërisht këtë foto ai e ka shoqëruar me diçiturën: “Me orarin ok jam, s’kam thyer rregulla”.
Loading ...
