Shqipëria do të luajë mbrëmjen e sotme kundër Maqedonisë, takim i vlefshëm për eliminatoret e Botërorit "Rusi 2018". Kuqezinjtë e De Biazit janë të bindur për një rezultat pozitiv, megjithatë përfaqësuesja maqedonase është për t'u pasur frikë pasi ka në skuadër futbollistë cilësorë. Ekipi shqiptar duket se ka gjetur çelësin e suksesit pasi Maqedonia çalon në mbrojtje. Pikërisht është ky repart që ka bërë disa herë gabime në ndeshjet ndërkombëtare, megjithëse kanë disa kohë që luajnë së bashku.
Shqipëri - Maqedoni do të luhet në orën 20:45 në stadiumin "Loro Boriçi" në Shkodër. Interesi për këtë sfidë është shumë i madh, teksa janë shitur në kohë rekord të gjithë biletat.
Poll
