Partizani ka zhvilluar seancën e radhës stërvitore në kuadër të përgatitjeve për ndeshjen e fundit kundër Bylisit në transfertë. Lojtarët kanë zbritur nën urdhrat e trajnerit Ilir Daja, ndërsa në sy binte mungesa e Junior dhe e Asanit. Sulmuesi brazilian vijon të mos stërvitet me ekipin së bashku me mëngjërashin që kaloi një super formë në këtë pjesë të dytë të sezonit.
Për Junior flitet se ka probleme fizike, ndërsa për Asanin nuk ka ende një arsye pse nuk ka marrë pjesë në seancën e sotme stërvitore. Ai nuk ishte i pranishëm as kundër Vllaznisë pasi kishte plotësuar numrin e kartonëve për të mos qenë në lojë. Kujtojmë që Partizani luan të mërkurën në transfertë kundër Bylisit, një sfidë që duhet vlerësuar, edhe pse shanset për titull kampion janë minimizuar shumë.
Të dy futbollistët shfaqen duke ndjekur seancën e sotme nga lokali që ndodhet te kompleksi "Football Republic" i Redi Jupit.
Lexo gjithashtu
