Mazrekaj ul Cetkoviç në stol, Starova ndryshon planet për Teutën

Sot, Partizani do të luajë kundër Teutës, ndeshje e vlefshme për javën e 21-të të Superiores. Të kuqtë, të drejtuar nga trajneri Starova kanë mbyllur përgatitjet dhe tashmë janë gati për t’u përballur me “djemtë e detit”. Në këtë takim priten ndryshime në formacion e Partizanit.

Ndryshe nga ndeshja me Vllazninë, në këtë përballje Mentor Mazrekaj pritet ta nisë si titullar. Paraqitja e shkëlqyer kundër shkodranëve ka lënë shije të mirë edhe tek tekniku i të kuqve, i cili tashmë duhet të ulë Cetkoviç në stol, për t’i lënë vendin fantazistit 28-vjeçar.

Ndeshja Teuta-Partizani është përcaktuar të luhet sot në orën 18:00, në stadiumin “Niko Dovana” të Durrësit.