Dinamo është aktive në këtë merkato, teksa ia ka dalë të sigurojë afrimin e disa lojtarëve të rëndësishëm. Një nga ata që zgjodhën të bëhen pjesë e kryeqytetasve është sulmuesi Reginaldo. 31 vjeçar është një emër mjaft i njohur për futbollin shqiptar, pasi ka luajtur më parë për disa skuadra të elitës.
Në sezonin 2016-2017, lojtari ka qënë pjesë e Luftëtarit dhe në 9 ndeshje ka gjetur rrugën e rrjetës 8 herë.
Një vit më pas, futbollisti nga Mozambiku u bashkua me Laçin. Me kurbinasit shifrat erdhën duke qënë edhe më të frikshme, teksa në 16 takime, ka “përshendetur” rrjetën jo pak por 18 herë.
Më pas, kalimi te Kukësi do konfirmonte faktin se kemi të bëjmë me një sulmues cilësor. Në 13 sfida, Reginaldo numëroi 14 gola.
Shifrat:
Luftëtari: 9 ndeshje - 8 gola
Laçi: 16 ndeshje - 18 gola
Kukësi: 13 ndeshje, 14 gola
Lexo gjithashtu
