Marchetti te Juve, por Etrit Berisha është më larg Lazios

Etrit Berisha bëri paraqitje pozitive në Francë, por që për trajnerin Bielsa kjo ka pak rëndësi për të ardhmen e tij te Lazio. Sa i përket Marchettit, ai është drejt firmës me Juventusin, por kjo nuk do të thotë se do t’i hapet vendi Berishës. Sipas lajmeve të fundit që burojnë nga mediat italiane pranë klubit lacial, thuhet që edhe nëse largohet Marchetti, Berisha nuk ka asgjë të sigurt për qëndrimin.

Ata tregojnë dhe përfshirjen e Igli Tares për qëndrimin e portierit kuqezi, por që në horizont po shihet ardhja e portierit të tretë të Kroacisë, Vargiç, i cili shihet si alternativë e dytë në portë.

“Mund të ketë një revolucion total në protë. Nëse do të fillojmë me largimin e Marchettit, nuk është e thënë se pronari i katërkëndorit të Lazios do të bëhet Berisha. Etriti dëshiron të luajë, do të jetë numri një pas dy vjetësh në hijen e Frederick-ut. Bielsa do të vlerësojë atë, por në këtë moment nuk duket i bindur, pavarësisht nga ndërmjetësimi i Tares. Për këtë edhe shqiptari mund të largohet. Portieri që mund të firmosë për Lazion është Vargiç, i treti i kuadratit të Kroacisë: te “albiçelestët” ai do të jetë i dyti”, thuhet në mediat pranë Lazios.