Tashmë është e ditur që ekipi i parë që do luajë në Kategori të Parë sezonin tjetër do jetë Lushnja. Lagunarët nuk kanë më shpresa për një qëndrim në Superligë dhe humbjet duket se nuk bëjnë më përshtypje. Tani duket se po mendohet për sezonin që vjen dhe për një riformatim të skuadrës, pasi shumë nga lojtartët aktualë nuk do jenë pjesë e lagunarëve vitin tjetër.
Kështu në këto javë të mbetura të Superligës, Lushnja duket se do ndryshojë ‘kurs’ dhe do i japë besim të rinjve. Trajneri Gjyla ka besimin e drejtuesve dhe tashmë ai do u japë mundësinë e aktivizimit lojtarëve të rinj në mënyrë që të tregojnë vlerat e tyre dhe të mund të bëhen pjesë e ekipit sezonin që vjen.