Schalke 04 ka siguruar verbalisht trajnerin e ri. David Wagner, ish-ndihmësi i Jurgen Klopp dhe ish-tekniku i Huddersfield-it në Premier League ka pranuar në rrugë joformale të marrë drejtimin e skuadrës gjermane për sezonin e ardhshëm.
Skuadra nga Gelsenkirchen drejtohet prej 2 muajsh nga tekniku Hubb Stevens pas eliminimit nga Champions League nga Manchester City 7-0.
Lajmin e konfirmon media britanike “The Mirror”. Schalke 04 po lufton për të siguruar mbijetesën në Bundesligë teksa ndodhet 6 pikë larg zonës së rënies në divizionin e dytë të futbollit. Por, falë fitores së bujshme 2-4 ndaj Borussia Dortmundit në fundjavën e kaluar ka rritur optimizmin te skuadra dhe tifozët për të siguruar qëndrimin në elitën e futbollit gjerman.
© 2024 News Sport - Dev by Aplikacione.com.