Luftëtari e ka objektivin e qartë, të gjithë të ‘karikuar’ te bluzinjtë  

Në javën e 29-të të Superligës një nga takimet më interesante do jetë ai mes Luftëtarit dhe Laçit. Dy ekipe shumë simpatike që kanë dhuruar me të vërtetë lojëra në nivele të larta këtë sezon dhe që thuajse kanë një filozofi të njëjtë duke u bazuar te elementi i ri dhe vendas. Por në Gjirokastër kjo ndeshje e kësaj jave mund të vlejë një vend në kupat e Europës sezonin tjetër.

Laçi është një pikë para gjirokastritëve në renditje dhe bluzinjtë duan që të kalojnë kurbinasit në renditje. Objektibi për fitore është i qartë në këtë takim për Luftëtarin që e di shumë mirë që me një fitore në një takim të tillë, kualifikimi në Europë do jetë më shumë se thjesht një ëndërr.