Orges Shehi ka folur pas fitores 3-1 kundër Vllaznisë. Trajneri kampion i Tiranës u shfaq i kënaqur pas triumfit me shkodranët.
Për mikrofonin e Supersport, tekniku i bardhebluve tregoi se pse ende s’ka rinovuar si dhe zbuloi bisedën me drejtorin. Në fjalën e tij pas ndeshjes, Shehi tha:
“Ne kemi lojën tonë, duhet të shkojmë te zona pa gabuar. Sigurisht që objektivi ynë është të nxjerrim Taulantin golashënues, por edhe Xhixhën. Duam që ta fitojë Taulanti Këpucën e Artë. Skuadra punon seriozisht. Po respektojnë veten e tyre në radhë të parë. Komplimente.
E ardhmja? Ti nuk je presidenti. (Qesh) Nuk na ndajën shumë gjëra. Janë disa detaje. Nuk janë lekët në mes. Dua që ekipi të qëndrojë kështu si është. Kam marrë garanci nga drejtori që nuk do të ketë lëvizje. Dua që të përfeksionojmë profesionalizmin. Dua dhe disa përforcime.
Frika për humbje me Vllazninë? Ne jetojmë në Shqipëri dhe çdo ditë ka diçka të re. Më vjen mirë që skuadra nuk po ndikohet, por po luan mirë. Kishim përballë një kundërshtar të mirë. Sot e kemi merituar, kemi qenë dominantë dhe mund të kishim shënuar e gola të tjera. Hamendësimet janë të shumta, sido që të shkojë ndeshja. Nuk na shqetësojnë fare”, tha ai.
Lexo gjithashtu
